په شمال زون کې د کډوالو لپاره د ملګرو ملتونو عالي کمېشنرۍ یاUNHCR نن له ۷ زره بې ځایه شویو کورنیو سره د نقدو پیسو مرسته وکړه.
د ملګروملتونو د کډوالو د عالي کمشنرۍ مسوول ریچارډ اویلا نن ازادي راډیو ته وویل چې له هرې بې ځایه شوې کورنۍ سره یې د ۷ زره ډالرو په شااو خوا کې مرسته کړې ده.
ریچارډ وویل چې په روان میلادي کال کې په شمال او شمال ختیځ زون کې د بې ځایه شویو شمېر په ټولیز ډول یولک او ۱۲ زره تنو ته رسیږي.
په شمال زون کې د کډوالو لپاره د ملګرو ملتونو عالي کمشنرۍ دفتر وايي؛ هڅه کوي چې بې ځایه شویو کورنیو ته سرپناه جوړه او ماشومانو ته یې ښوونځي جوړ کړي.