یو لوړپوړی ایرانی ډېپلوماټ وايې، تمه لري چې د تهران او نړۍ تر منځ د اټمي موافقې د موادو عملي کېدل د نوي میلادي کال په لومړیو کې پیل شي.
د ایران د بهرنیو چارو د وزارت مرستیال عباس عراقچي پرون په ویانا کې د اټمي انرژۍ د نړېوالې ادارې له مشر سره تر کتنې وروسته وویل، تهران به تر راتلونکي نوي کاله خپلې ژمنې پر ځای کړي.
د تهران او نړېوالو قوتونو تر منځ د جولای د ۱۴مې د موافقې له مخې ایران به خپل اټمي فعالیتونه محدودوي او نړېواله ټولنه به پر ایران خپل بندیزونه لېرې کوي.