د مدني ټولنو یو شمېر نورو غړو هم د یوې مظاهرې په ترڅ کې له حکومت څخه وغوښتل چې د رخشانې او فرخندې د وژل کېدو قضیې په سم ډول وڅېړي.
دغو فعالا نو نن په کابل کې وویل چې تر اوسه د فرخندې د وژلو عدالت نه دی تامین شوی چې په غور ولایت کې د رُخشانې د مرګ پېښه رامنځ ته شوه.
دوی همداراز په سترې محکمې نیوکه وکړه چې تر دا مهاله یې د فرخندې د قضیې په اړه خپل تصمیم نه دی اعلان کړی.
دوی له افغان حکومت څخه د دواړو قضیو د څېړلو غوښتنه وکړه.
فرخنده هغه ځوانه نجلۍ وه چې تېر کال په حوت ماشت کې د کابل د شاه دو شمشېره په سیمه کې د قهرجنو خلکو له خوا ووژل شوه.
خو رُخشانه په دې وروستیو کې د غور په ولایت کې له یوه هلک سره د نا مشروع اړیکو د لرلو په تور چې ویل کېږي په طالبانو پورې د اړوند کسانو له خوا سنګسار شوه.