د ايران د بهرنيو چارو وزير وايي؛ د واشنګټن پوسټ ورځپاڼې بندي خبريال جېسن رضاييان په تهران کې له جدي تورونو سره مخامخ دى.
خو جواد ظريف پرون وويل چې دى هڅه کوي؛ د بشرپالنې له مخې دغه قضيه حل کړي.
په تهران کې يوه امنيتي کنفرانس ته د وينا؛ پر مهال جواد ظريف وويل: ”د دې تورن کس مساله قضايي پروسه ده؛ خو موږ هڅه کوو چې حل يې کړو.“
رضاييان څه باندې يو کال کېږي چې د جاسوسۍ په تور په ايران کې بندي دى. دى په وروستيو کې د تهران د يوې محکمې له خوا په اعدام محکوم شو.
د ايران چارواکو د اعدام د دې حکم په اړه نور جزئيات نه دي ورکړي.
٣٩ کلن جېسن رضاييان چې ايرانى الاصله امريکايي دى وايي؛ له سره هم د دې حکم جزئيات نه دي شريک شوي دي.