د افغانستان حکومت غواړي چې د بې کیفیته دوا د له منځه وړلو لپاره له معتبرو شرکتونو درمل واخلي .
ولسمشرمحمد اشرف غني، پرون [جمعه ] په کابل کې د یو شمېر روغتونونو له ډاکترانو او کارکونکو سره په کتنه کې وویل چې له هنده د ښو درملو د واردولو د چارو مسئولیت یې یوې کاري ډلې ته سپارلی دی.
د ارګ د خبرپاڼې په حواله، ولسمشرغني باورلري چې د مسلکي طبي کارکونکو کموالی، بې کیفیته درمل، د روغتونونو ناسم مدیریت او د روغتونونو د کار د څارنې کمزورتیا داسې [خبیثه] کړۍ جوړه کړې چې د دې هیواد روغتیايي سیسټم یې ځپلی دی.