په افغانستان کې د بیارغونې لپاره د امریکا د مصارفو لوي څارونکی جان سوپکو وايي:امریکا پردې سترګې پټوي چې د افغانستان ستونزې، د دې هېواد پر پولو اوښتي دي.
سوپکو ویلي، د افغانستان هیروین د اروپا بازارونو ته رسیږي او افغانان په سیمه کې دریم سترګروپ دي چې اروپايي هېوادونو ته غیرقانوني مهاجرت کوي.
په هغه خبرپاڼه کې چې پرون [سه شنبه] د جان سوپکوله دفتره خپره شوې، ویل شوي چې د درغلیو او ناوړه استفادې له امله د امریکائیانو د مالیې ملیونونه ډالرضایع شوي او دا لړۍ لاهم روانه ده.
جان سوپکو د امریکا پرحکومت ږغ کړی چې په افغانستان کې په اغیزمن ډول د خپلو پیسو د لګولو لپاره هڅې زیاتې کړي او عاجل اقدام وکړي.