د پکتیا په مرکزګردیزکې زرګونو خلکو په الکترونيکي تذکروکې د افغان او اسلام د کلیمې د لیکولو په ملاتړ مظاهره کړې.
په سیمه کې د ازادي راډيو خبریال وایې چې په مظاهره کې د مدني ټولنو، ولایتي شورا د سیاسي ګوندونو استازو او زرګونو ځوانانو ګډون کړی.
دوې له ازادي راډيو سره خبروکې ویلي که چېرې په الکترونیکي تذکروکې د دوی ملي هویت او دین ذکرنه شي دا تذکرې به وانخلي او د دغو تذکرو د ویشلو مرکزونه به هم له خطرسره مخ کړي.
دوې همدا رازګواښ کړی که حکومت د دوې غوښتنې ونه مني د سرپه بیه به له دې مسالې دفاع وکړي.
له دې وړاندې د کابل په ګډون په یو شمېر نورو ولایتونو کې هم ورته مظاهرې شوې دي.
اجرایي ریاست بیا ویلي، په دې اړه موجوده اختلافات پای ته رسیدلي او ډیرژربه د دې تذکرو ویشل پيل شي.