ملګري ملتونه وايي، د سپوږمکۍ تصویرونه ښیي چې د سوریي په تدمر لرغوني ښارکې یو دوه زره کلن زوړمعبد نړول شوی دی.
مخکنیو رپوټونو د تیرې یکشنبې په ورځ په دغه معبد کې د یوې چاودنې خبر ورکړی وو.
د اسلامي دولت ډلې په تیرې مې میاشت کې دغه سیمه لاندې کړه.
د ملګروملتونود روزنې او تحقیقاتو ادارې، UNITAR له چاودنې مخکې او وروسته د دغه معبد تصویرونه وړاندې کړل.
په دغو تصویرونو کې ښکاري چې د معبد ځیني برخې ویجاړې شوي او ځیني نورې یومخ له منځه تللي. تیره اونۍ د تدمریوه بله لرغونې سیمه په بمونو الوزول شوې وه.