د امریکا ولسمشرد سعودي عربستان له پاچا وغوښتل چې په یمن کې جګړه پایته ورسوي.
باراک اوباما څو ساعته وروسته ترهغې سلمان بن عبد العزیز ته تیلیفون وکړ چې د ریاض په ملاتړ یمني ځواکونو د عدن ښار هوايې ډګر بیرته ونیو.
سپینه ماڼۍ وايي، ولسمشراوباما په دې تیلیفوني تماس کې ټینګار وکړ چې د یمن ټولو خلکو ته باید بشري مرستې ورسیږي.
ملګرو ملتونو تیره جمعه په یمن کې بشري اوربند اعلان کړخو د سعودي په مشرۍ ائتلاف بیا هم پر حوثي یاغیانو خپلو بریدونو ته دوام ورکړی دی.