د ننګرهار په اچین ولسوالۍ کې د دوو وسله والو مخالفو ډلو تر منځ جګړو عام خلک زیانمن کړي دي.
د اچین ولسوالۍ یو شمېر اوسیدونکو ازادي راډیو ته وویل چې د طالبانو او داعش تر منځ جګړه له دوو ورځو راهیسې روانه ده.
ویل کیږي دغو دوو ډلو په یو بل د راکټونو ډزې کړي چې په نتیجه کې یې هستوګن کورونه
ویجاړ کړي او خلکو ته هم په کې مرګژوبله اوښتې ده؛ خو دقیق شمیر یې نه دی معلوم.
د ننګرهار چارواکو دا مساله تر اوسه نه ده تایید کړې.