د افغانستان د ولسي جرګې رییس د دې جرګې د کار د دوام په اړه د ولسمشر غني پرېکړه تایید کړه.
د دې جرګې رییس عبدالرووف ابراهیمي نن په عمومي غونډه کې وویل چې افغان ولسمشر محمد اشرف غني ژمنه کړې چې تر یوې بلې میاشتې پورې د انتخاباتو نیټه معلومه کړي.
د جمهوري ریاست په یوه بیان کې چې پرون خپور شو راغلي چې د افغانستان ملي شورا د یوه قانون جوړونکي بنسټ په توګه د ولسي جرګې د انتخاباتو د نتایجو تر روښانه کېدو پورې خپل کار ته دوام ورکوي.
که څه هم په دې بیان کې تخنیکي، امنیتي او مالي ستونزې د انتخاباتو د ځنډ عوامل بلل شوي؛ خو حقوقپوهان د ولسي جرګې د کار له دوام سره مخالفه دي.