د افغانستان ولسمشر ملکي ادارو ته د وسله والو کسانو ننوتل د نه منلو وباله او امر یې وکړ چې د ایسا ادارې ته د وسله والو کسانو د ننوتو قضیه دې په جدي ډول وڅېړل شي.
ولسمشر محمد اشرف غني دا خبره پرون په هغه غونډه کې وکړه چې د ایسا یا په افغانستان کې د پانګونې د ملاتړ د ادارې د ستونزو د څېړلو لپاره جوړه شوې وه.
په دې غونډه کې د ایسا د ادارې د سرپرست او مرستیالانو پوسټونه تعلیق شول او ولسمشر په ایسا کې د فساد د څېړلو او تفتیش لپاره یو پلاوی وګوماره.