د کابل د هنډبال لوبډلې په یوه دوستانه لوبه کې د تاجکستان ټیم ته ماته ورکړه

په کابل کې د هنډ بال ټورنمنټ د دوستانه لوبو په ترځ کې د کابل غوره ټیم وتوانید د تاجکستان ټيم ته ماتې ورکړي.په کابل کې د هنډبال د فدراسیون رییس یوسف نیازي آزادي راډيو ته وویل؛ د دغه ټورنمټ په لومړۍ لوبه کې د کابل الف غوره ټیم وتوانید ۴۶ د ۳۹ پر وړاندې د تاجکستان ټيم ته ماته کړي. ښاغلي نیازي زیاته کړه چې تر لومړې لوبې وروسته د نن ورځې په بله لوبه کې د یونایټېډ بانک ټیم وتوانید ۴۴ د ۲۸ پر وړاندې د تاجکستان غوره ټيم ته ماته ورکړي. په دغو سیالیو کې شپږو ټیمونو له کابل؛ یوه له هرات او یوه بهرني ټیم له تاجکستان څخه ګډون کړی دی.