نن په يمن کې لږ تر لږه ۲۷ کسه په داسې حال کې وژل شوي چې د شيعه ياغیانو او يمن د ولسمشر عبدالربه المنصور هادي د پلويانو تر منځ نښته پيل شوه.
د فرانسې خبري اژانس د ځايي چارواکو له خولې وايي؛ څلور د هادي پلويان او شپږ حوثي ياغیان د شمالي ښار عدن سره نيږدې وژل شوي دي.
د فرانسې خبري اژانس راپور ورکوي چې په ختيځ ښار لودر کې د هادي پلويانو د لاسي بمونو په حمله کې نهه شيعه حوثيان وژلي دي.
په عدن کې په داسې حال کې درنې نښتې روانې وې چې د سعودي عربستان په مشرۍ هوايي بمباریو د ياغيانو ځايونه په نخښه کول.
دا نښتې په داسې حال کې دي چې د نورو هېوادونو له خوا د اوربند غوښتنه شوې ده او ملګري ملتونه وايي؛ په دې جګړه کې د مارچ د مياشتې راهيسي؛ تر ۱۰۰۰ زيات کسان وژل شوي دي چې ۱۱۵ يې کوچنيان وو.