د افغانستان د پهلوانۍ فدراسیون وایي چې د شمال زون د پهلواني مسابقې نن پیل شوي دي.
په کابل کې د پهلواني د فدراسیون سکرتر جنرال یونس حیران آزادۍ راډيو ته وویل؛ دغه مسابقې د کابل په پنځو زونونو کې د کابل د منتخب ټیم لپاره د غوره لوبغاړو د انتخاب په هدف ترسره کیږي.
ده زیاته کړه دغه مسابقې چې دوې ورځې به دوام وکړي؛ د کابل د ۱۸ کلبونو څخه ۱۲۰ لوبغاړو په کې ګډون کړی دی.
ښاغلی حیران وایي چې ترراتلوونکو لسو ورځو پورې به د پهلواني مسابقې د اتلس کلنوتر شل کلنو ځوانانو تر منځ هم پیل شي.