نن د سلواغې (دلو) ۲۶ له افغانستانه د پخواني شوروي اتحاد سرتیرو د وتلو ۲۶ کلیزه ده.
۲۶کاله وړاندې د پخواني شوروي اتحاد وروستی افسر د امو رود پرسر د دوستي پله څخه په تیریدو سره خپل هېواد ته ولاړ او په افغانستان کې د هغوی تقریبا لس کلن اشغال پای ته ورسید.
د پخواني شوروي اتحاد سرتیرو په افغانستان کې شاوخوا لس کاله د افغان حکومت د وسله والو مخالفینو په وړاندې سختې جګړې وکړي چې د رسمي شمیرو له مخې د افغانستان یو نیم میلیون وګړي په کې ووژل شوه او میلیونونه نورله خپلو کورونو څخه وتلو ته اړ شوه.
دغو ځواکونو هم په دې جګړې کې ډیره بیه ورکړه. د افغانستان د ستراتیژیکو مطالعاتو د مرکز شمېرې ښیې چې په دې موده کې تر څوارلس زره ډیر روسي پوځیان ووژل شوه.