سکاټلنډ په عربي متحد اماراتوکې د افغانستان کرکټ ملي لوبډلې ته په یوسل او پنځوس منډو ماتې ورکړه.
دغه یوه ورځنۍ لوبه پرون په دوبۍ کې وه چې لومړی سکاټلنډ بیټنګ وکړ او په ټاکلیو پنځوس اورونو کې یې ۲۱۳ منډې جوړې کړې.
د دې په ځواب کې د افغانستان ټول ټیم په نولسم اوورکې د ۶۳ منډو په جوړیدو اوټ شو.
د سکاټلنډ له لوري ډیوري د افغانستان شپږلوبغاړي وسوځول. په عربي متحداماراتو کې د افغانستان، سکاټلنډ او ایرلنډ د ملي ټیمونو ترمنځ په روانو لوبوکې مخکې افغانستان سکاټلنډ ته ماتې ورکړې وه او ټاکل شوې ده چې د جنوري په اوولسمه افغان لوبډله له ایرلنډ سره مسابقه وکړي.