ټاکل شوې ده چې د افغانستان د حکومت اجراییه مشرپه قزاقستان کې د شانګهای د همکارۍ د سازمان په غونډه کې ګډون وکړي.
عبدالله عبدالله د یوه پلاوي په مشرۍ پرون د قزاقستان پلازمینې استانه ته رسیدلی دی.
د افغانستان د حکومت اجراییه ریاست په خپله فیسبوک پاڼه کې لیکلي چې عبدالله پرون استانه ته له رسیدو وروسته د قرغزستان له صدراعظم سره ولیدل.
د اجرایه ریاست په وینا په دې کتنه کې دواړو لورو په تیره بیا د ګډو اړتیاو او سیمه ییزې همکارۍ په اړه خبرې وکړې او د دواړو هېوادونو د سوداګرو او پانګوالو ترمنځ یې د همکاري او همغږي په رامنځته کیدوهم تاکید وکړ.
د قزاقستان په پلازمېنه استانه کې د شانګهای د همکارۍ د سازمان د حکومتونو د مشرانو د شورا دا دولسمه غونډه ده چې نن پیلېږي.
افغانستان د شانګهايي د همکارۍ د سازمان ناظرغړی دی.