ولسمشر اشرف غني وایي چې د وسله والو مخالفینو له خوا د خلکو ترور د اخلاقو سخته کمزوري په ډاګه کوي.
ښاغلي غني نن د بشري حقونو د نړېوالي ورځې د لمانځې غونډې پرمهال د بې ګناه افغانانو وژل د اسلام او انسانیت څخه لرې او یو نه بخښونکی کار وباله.
ښاغلي غني زیاته کړه، داسې فکر باید ونه شي چې په دې ډول فعالیتونو سره به د افغانانو اراده بدله شي.
ښاغلي غني همدارنګه له علماوو، قومي مشرانو او مدني ټولنو څخه وغوښتل چې د ملکي وګړو د وژنې د پای ته رسیدو لپاره په یوه خوله غږ وکړي.
دغه څرګندونې داسې مهال کیږي چې په دې ورستیو کې؛ په کابل او ولایتونو کې د ترور او ناامنیوم پیښو زور اخیستی.