امنیتي چارواکي وايي چې د نهمې حوزې په مربوطاتو کې په نننۍ انتحاري حمله کې چې د د انګلستان سفارت په موټرشوې څلور ملکیان وژل شوي او ۳۳ نور ټپیان دي.
د کورنیو چارو وزارت ویاند صدیق صدیقي وايي په دغه پیښه کې درې موټرهم له منځه تللي دي.
له بلې خوا د عامې روغتیا وزارت ویاند کنشکا بکتاش وايي چې په ټپیانو کې پنځه تنه یې ماشومان دي.
د انګلستان سفارت ویاند دغه حمله تایید کړې او وايي چې په موټرکې ځیني کسان ټپیان شوي دي او ویلي یې دي چې په دغه موټرکې ډیپلوماټان نه وو خو د پيښې په باب یې نور جزیات نه دي ورکړي.
طالبانو د دغه پیښې مسوولیت منلی دی.