د افغانستان جمهوررئیس اشرف غني وایي، حکومت پتییلې چې له نړېوالو مرستو څخه د سمې ګټې اخیستنې په مقصد د حساب ورکوونې یو منظم سیستم جوړ کړي.
ښاغلي غني دا خبره تیر ماښام په افغانستان کې د نړېوال بانک له رئیس ښاغلي باب ساوم سره په کتنه کې وکړه.
ښاغلي ساوم جمهوررئیس غني ته په افغانستان کې د نړېوال بانک د فعالیتونو په اړه معلومات ورکړل او د دې بانک د اوږدې مودې ژمنو ډاډ یي ورکړ.
جمهوري ریاست په یوې خبرپاڼه کې ویلي، ښاغلي غني په غونډه کې وویل، د افغانستان نوی حکومت له نړېوال بانک او نورو مرستندویانو سره د مهمو سکتورونو په پیژندګلوۍ کې همکارۍ ته لیوال دی، ترڅو د افغانستان اقتصاد وده وکړي.