د کندهار د امنیې قومندان وايي، د دې ولایت د مرستیال والي عبدالقدیم پتیال د وژلو طرحه په کوټه کې جوړه شوې وه او د پښتنو مشرانو د وژل کیدو د روانې لړۍ یوه کړۍ ده.
لوی پاسوال عبدالرازق په کندهارکې خبریالانوته په خبروکې یو وار بیا ژمنه وکړه چې د پتیال قاتلین به ونیسي.
نوموړې د پښتنو مشرانو د وژلو لړۍ چې د ده په وینا د پولې دواړو غاړو ته روانه ده د اندېښنې وړ وبلله:
″پښتني مشران وژني، دې کې هیڅ شک نه شته، څومره چې دلته وژل کیږي هومره د کرښې په بله غاړه کې هم وژل کیږي.″
د کندهارد امنیې قومندان له پښتنو وغوښتل چې د خپلو قومي مشرانو له قاتلینو سره دې مرسته نه کوي.
د کندهار مرستیال والي قدیم پتیال د تیرې یکشنبې په ماښام په په کندهارکې په ډزو ووژل شو.
د نوموړې تروژل کیدو مخکې هم په کندهار کې ګڼ حکومتي چارواکي، قومي مشران او ټولنیز فعالان په یو او بل نوم وژل شوې دي.