چین او شاوخوا شلو نورو آسیایي هیوادونو په رسمي ډول یو نوی نړیوال آسیایي بانک جوړ کړ.
چارواکو نن په پیکنګ کې د تفاهم هغه سند لاسلیک کړ چې له مخې به یې د آسیا د زیربنایي پانګونو بانک جوړ شي.
پیکنګ هیله من دی چې دا بانک به د امریکا د ملاتړې World Bank نړیوال بانک ځای ونیسي.
په دې نوي آسیایي بانک کې د سیمې ځیني غښتلې هیوادونه لکه هند او قطر او دغه راز ازبکستان او پاکستان هم غړیتوب لري.
دې هیوادونو په بانک کې د امریکا د متحدانو؛ جنوبي کوریا او آسټرالیا شاملېدو ته هم لاره خلاصه پریښي ده.
چین تېرکال د دې بانک د جوړېدو وړاندیز کړی و او وایي، پیکنګ به په دې بانک کې پنځوس میلیارده ډالره د ابتدایي پانګې لپاره واچوي.
دا بانک به د سړکونو، د اورګاډي پټلیو، د برښنا د بندونو او مخابراتي شبکو د جوړولو لپاره مرستې کوي او د هیوادونو د اقتصادي ودې د پراختیا په برخو کې به هم آسانیتاوې برابروي.