د افغانستان د کورنیوچارو وزارت وايي، چې د کابل ښار په نننۍ چاودنه کې لس تنه ټپيان شوي دي.
دغه چاودنه د کابل ښار د اوومې امنیتي حوزې اړوند اقا علي شمس په سیمه کې شوې ده.
د کورنیو چارو وزارت د ویاند مرسیتال نجیب دانش ازادۍ راډیو ته وویل، چې په ټپيانوکې د دوو تنو حالت د اندېښنې وړ دی:
″د چاودنې هدف د دفاع وزارت د مامورینو موټر و، د هغه معلوماتو له مخې چې موږ ترلاسه کړي دي لس تنه ټپیان شوي دي چې، د دوو تنو حالت یې د اندیښنې وړ دی.″
ویل کیږي چې د پیښې ټول ټپیان د ملي اردو منسوبین دي.
د کورنیو چارو وزارت زیاتوي چې، چاودنه د ریمونټ کنټرول ماین په واسطه شوې ده.
د پېښې پړه وسله والو طالبانو په غاړه اخستې.