د افغانستان د بهرنیو چارو وزارت وایي؛ د بریتانیا په ویلز ښار کې د ناټو جوړېدونکې غونډې ته افغان حکومت بشپړ چمتوالی لري.
د دې وزارت ویاند شکیب مستغني نن په کابل کې خبریالانو ته وویل؛ چې د هغو موظفو کاري کمېټو غړي لندن ته رسیدلي؛ چې د افغان حکومت له خوا دې کانفرانس ته ګمارل شوي دي.
ښاغلي مستغني وویل، تر وروستۍ شیبې به هم د انتخاباتو نتیجې ته منتظر پاته شي؛ خو که نتیجه معلومه نه شي، د افغانستان په استازیتوب به د دفاع وزیر بسم الله محمدي په دې غونډه کې ګډون وکړي.