د امریکا یو جګپوړی پوځي مقام وايي چې د ۲۰۱۶ کال په پای کې د ځواکونو د اېستلو په اړه د ولسمشربارک اوباما پلان له افغانستانه د پوره وتلو په معنا نه بلکې د امنیتي انتقال په معنا ده.
په افغانستان کې د نړیوالو ځواکونو عمومي قوماندان جنرال جوزف ډنفورډ د چارشنبې په ورځ په بروکسل کې د ناټو د دفاع د وزیرانو په غونډه کې وویل؛ له افغانستانه د نړیوالو ځواکونود وتلو په اړه د ولسمشر بارک اوباما اعلان په هېڅ صورت له عراقه د امریکايي ځواکونو د وتلو پلان ته نه دی ورته.
ډنفورډ وویل، د روان کال په پای کې د اکثریت پوځیانو له وتلو وروسته به دولس زره سرتېري لاهم په افغانستان کې پاتې وي.
ډنفورډ وايي، په دې ډله کې به اته زره د امریکا سرتېري، څلورزره د ناټو د نورو غړو او پاتې به یې افغان ځواکونو ته د روزنې او سلامشورو لپاره پاتې شي.
ولسمشربارک اوباما تېره اونۍ اعلان وکړ چې د روان کال له پای ته رسېدو وروسته به ۹۸۰۰ امریکايي سرتېري په افغانستان کې پاتې شي.
جنرال ډنفورد د ناټو دفاع وزیرانو ته وویل چې د ۹۸۰۰ سرتېرو د شمېر د پوره کولو لپاره امریکا په پام کې لري چې د تروریزم ضد ځواکونو یوزر او اته سوه تېري هم په افغانستان کې وساتي.
د اوباما له پلان سره سم دا سرتېري به د راروان ۲۰۱۵ کال ترپایه او د دې نیمايي شمېره یعنې څه کم پنځه زره سرتېري د ۲۰۱۶ کال ترپایه په افغانستان کې پاتې شي. دا سرتېري به په کابل کې د امریکا د سفارت امنیت ټینګوي.
خو ولسمشراوباما وویل چې په افغانستان کې د امریکايي ځواکونو د حضور دوام د کابل او واشنګتن ترمینځ د امنیتي تړون له لاسلیک سره تړلې دی.
متحدوایالاتو او لویدیځو متحدانو یې ډاډ ورکړی چې د افغانستان د انتخاباتو د دوهم پړاو ګټونکی نوی افغان ولسمشر به دا تړون چې د نړیوالو پوځیانو حضور قانوني کوي لاسلیک کړي. په بروکسل کې د سه شنبې او چارشنبې په ورځو د ناټو د دفاع وزیرانو په غونډه کې پر متحدوایالاتو سربېره ایټالیا، جرمني او ترکیې هم وویل چې د 1000 او 8000 ترمینځ خپل سرتېري په افغانستان کې ساتي.
جنرال ډنفورډ وویل چې په راتلونکي کال کې به امریکايي ځواکونه د افغانستان په جنوب او ختیځ کې، ایټالوي سرتېري په لویدیځ کې، جرمنان په شمال او ترکي پوځیان په کابل کې دېره وي.
د ناټو عمومي منشي اندرېس فوګ رسموسېن د غونډې په پای کې تر ۲۰۱۷ کاله د ملي اردو او ملي پولیسو د درې لکه و دوه پنځوس زره کسیز ځواک د مالي تمویل پر ژمنو هم ټینګار وکړ.
د دې ځواکونو د تمویل لپاره اوس مهال په کال کې د څلور اعشاریه یو میلیارد ډالره مرستې ژمنه شوې چې نیمايي یې امریکا ورکوي.
په افغانستان کې د دېره امریکايي ځواکونو عمومي قوماندان جنرال جوزف ډنفورډ تېرکال له خپل حکومته غوښتنه کړې وه چې خپله ونډه له شپږ سوه میلیونه څخه اته سوه میلیون ډالرو ته لوړه کړي.
په افغانستان کې د نړیوالو ځواکونو عمومي قوماندان جنرال جوزف ډنفورډ د چارشنبې په ورځ په بروکسل کې د ناټو د دفاع د وزیرانو په غونډه کې وویل؛ له افغانستانه د نړیوالو ځواکونود وتلو په اړه د ولسمشر بارک اوباما اعلان په هېڅ صورت له عراقه د امریکايي ځواکونو د وتلو پلان ته نه دی ورته.
ډنفورډ وویل، د روان کال په پای کې د اکثریت پوځیانو له وتلو وروسته به دولس زره سرتېري لاهم په افغانستان کې پاتې وي.
ډنفورډ وايي، په دې ډله کې به اته زره د امریکا سرتېري، څلورزره د ناټو د نورو غړو او پاتې به یې افغان ځواکونو ته د روزنې او سلامشورو لپاره پاتې شي.
ولسمشربارک اوباما تېره اونۍ اعلان وکړ چې د روان کال له پای ته رسېدو وروسته به ۹۸۰۰ امریکايي سرتېري په افغانستان کې پاتې شي.
جنرال ډنفورد د ناټو دفاع وزیرانو ته وویل چې د ۹۸۰۰ سرتېرو د شمېر د پوره کولو لپاره امریکا په پام کې لري چې د تروریزم ضد ځواکونو یوزر او اته سوه تېري هم په افغانستان کې وساتي.
د اوباما له پلان سره سم دا سرتېري به د راروان ۲۰۱۵ کال ترپایه او د دې نیمايي شمېره یعنې څه کم پنځه زره سرتېري د ۲۰۱۶ کال ترپایه په افغانستان کې پاتې شي. دا سرتېري به په کابل کې د امریکا د سفارت امنیت ټینګوي.
خو ولسمشراوباما وویل چې په افغانستان کې د امریکايي ځواکونو د حضور دوام د کابل او واشنګتن ترمینځ د امنیتي تړون له لاسلیک سره تړلې دی.
متحدوایالاتو او لویدیځو متحدانو یې ډاډ ورکړی چې د افغانستان د انتخاباتو د دوهم پړاو ګټونکی نوی افغان ولسمشر به دا تړون چې د نړیوالو پوځیانو حضور قانوني کوي لاسلیک کړي. په بروکسل کې د سه شنبې او چارشنبې په ورځو د ناټو د دفاع وزیرانو په غونډه کې پر متحدوایالاتو سربېره ایټالیا، جرمني او ترکیې هم وویل چې د 1000 او 8000 ترمینځ خپل سرتېري په افغانستان کې ساتي.
جنرال ډنفورډ وویل چې په راتلونکي کال کې به امریکايي ځواکونه د افغانستان په جنوب او ختیځ کې، ایټالوي سرتېري په لویدیځ کې، جرمنان په شمال او ترکي پوځیان په کابل کې دېره وي.
د ناټو عمومي منشي اندرېس فوګ رسموسېن د غونډې په پای کې تر ۲۰۱۷ کاله د ملي اردو او ملي پولیسو د درې لکه و دوه پنځوس زره کسیز ځواک د مالي تمویل پر ژمنو هم ټینګار وکړ.
د دې ځواکونو د تمویل لپاره اوس مهال په کال کې د څلور اعشاریه یو میلیارد ډالره مرستې ژمنه شوې چې نیمايي یې امریکا ورکوي.
په افغانستان کې د دېره امریکايي ځواکونو عمومي قوماندان جنرال جوزف ډنفورډ تېرکال له خپل حکومته غوښتنه کړې وه چې خپله ونډه له شپږ سوه میلیونه څخه اته سوه میلیون ډالرو ته لوړه کړي.