کریمي: د ډیورنډ کرښې په هکله د افغانستان او پاکستان نقشې تفاوت لري
د افغانستان لوی درستیز وايي، چې د ډیورنډ کرښې په هکله د افغانستان او پاکستان نقشې تفاوت لري.
د لوی درستیز جنرال شېرمحمد کریمي په وینا تر څو چې د دوو هیوادونوترمنځ سیاسي او ستراتیژیکه ستونزه حل شوې نه وي د دواړو هیوادونو ترمنځ به کړکېچ دوام وکړي.
د افغانستان لوي درستيز وايي، ترڅو چې د افغانستان او پاکستان ترمنځ سياسي او ستراتيژيکې ستونزې حل نه شي، د ډيورند د کرښې په اوږدو کې د دواړو خواوو ستونزې نه اوارېږي.
لوي درستيز شېرمحمد کريمي چې د افغانستان او پاکستان د لوي درستيزانو او د ناټو د عمومي قومندان له درې اړخيزې غونډې وروسته له ازادي راډيو سره خبرې کولې، وويل چې د افغانستان او پاکستان ترمنځ ستونزې ستراتيژيکې دي.
