په اوکراین کې د روسي پلوو یاغیانو د تسلیمېدو نېټه پای ته ورسېده

د اوکرایین د حکومت لخوا هغه نیټه چې روسي پلوه یاغیانو ته یې د وسلو د سپارلو لپاره ورکړې وه، د یاغیانو له خوا د تسلیمېدو د کومې نښې پرته پوره شوه. د اوکراین سرپرست ولسمشر الکساندر تورچینوف یاغیانو ته خبرداری ورکړی و؛ چې تر نن سهاره پوري د دغه هیواد په ختیځ کې له دولتي ودانیو ووځي کنه نو پر وړاندې به یې پراخ عملیات پیل شي. حکومت دا هم ویلي چې، که یاغیان له دغه امره اطاعت ونه کړي؛ نو احتمال لري چې د دغو جلا غوښتونکو په وړاندې له پوځ څخه هم کار واخلي.