په زرګونو مظاهره کوونکي هڅه کوي چې؛ په کییف ښار کې حکومتي ودانۍ بندې کړې او د جمهور رییس "ویکټور یانوکوویچ" د حکومت د استعفی غوښتنې ته دوام ورکوي.
شخړې وروسته له هغې په اوکراین کې راپور ته شوې چې جمهور رییس یانوکوویچ له اروپایي اتحادیي سره د اتحاد او آزادي سوداګرۍ تړون رد کړ. مظاهره کوونکو د حکومت پر ضد د عمومي اعتصاب غږ هم کړی دی.
د یکشنبې په ورځ هم په کییف کې د حکومت پر ضد سختې مظاهرې شوې وې او پولیسو له مظاهره کوونکو سره نښتې وکړي.
د اروپایي اتحادیې د پراختیا کمشنر "سټیفن فویلې" د مذاکرو غږ کړی او وایي، مخالفتونه باید سمدستي حل شي.
د ناټو عمومي منشي "اندرس فوګ راسموسین" هم په اوکراین کې د آرامۍ غوښتنه کړې او وایي، په یوې ډموکراټیکه ټولنه کې شخړې او د قوې استعمال د سیاسي مخالفتونو د حل لار نه ده.
په عین حال کې د اوکراین د حکومت د اپوزیسیون یعنی "اوډار" ګوند مشر "ویتالي کلیتچکو" په ټول هېواد کې له اوکراینیانو غوښتي چې؛ مرکز کییف ته دې لاړ شي او د ده په وینا، د اوکراینیانو د راتلونکې په اړه پرېکړه کیږي.
بل مخالف "د پلرنی وطن ګوند" مشر "ارسیني یاتسینیوک" د یکشنبې په ورځ وویل؛ مخالفان به د یانوکوویچ د حکومت د استعفی غوښتنې ته دوام ورکړي:
"د دوشنبې د ورځې لپاره پلان دا دی چې د کابینې وزیرانو د دفترونو مخې ته به راټولیږو. زموږ اصلي غوښتنه د کابینې د وزیرانو استعفی ده. د حکومت د صلب اعتماد مسوده پارلمان ته وړاندې شوې ده.
د سیمې ګوندونه باید رایې ورکړي چې؛ حکومت به له خلکو غلا نه کوي او د کوچنیانو د وهلو امر به نه کوي. زموږ اصلي هدف د یانوکوویچ د حکومت استعفی ده. موږ د صدراعظم میکولا آزاروف– یانوکوویچ د حکومت استعفی غواړو."
اسوشیېټډپرس آژانس وایي؛ د اوکراین د پارلمان وکیلان به نن مشورتي غونډه وکړي.
د یکشنبې په ورځ شاوخوا یو لک کسانو د حکومت بندیز په پام کې ونه نیوه او مظاهرو ته یې دوام ورکړ.
شخړې وروسته له هغې په اوکراین کې راپور ته شوې چې جمهور رییس یانوکوویچ له اروپایي اتحادیي سره د اتحاد او آزادي سوداګرۍ تړون رد کړ. مظاهره کوونکو د حکومت پر ضد د عمومي اعتصاب غږ هم کړی دی.
د یکشنبې په ورځ هم په کییف کې د حکومت پر ضد سختې مظاهرې شوې وې او پولیسو له مظاهره کوونکو سره نښتې وکړي.
د اروپایي اتحادیې د پراختیا کمشنر "سټیفن فویلې" د مذاکرو غږ کړی او وایي، مخالفتونه باید سمدستي حل شي.
د ناټو عمومي منشي "اندرس فوګ راسموسین" هم په اوکراین کې د آرامۍ غوښتنه کړې او وایي، په یوې ډموکراټیکه ټولنه کې شخړې او د قوې استعمال د سیاسي مخالفتونو د حل لار نه ده.
په عین حال کې د اوکراین د حکومت د اپوزیسیون یعنی "اوډار" ګوند مشر "ویتالي کلیتچکو" په ټول هېواد کې له اوکراینیانو غوښتي چې؛ مرکز کییف ته دې لاړ شي او د ده په وینا، د اوکراینیانو د راتلونکې په اړه پرېکړه کیږي.
بل مخالف "د پلرنی وطن ګوند" مشر "ارسیني یاتسینیوک" د یکشنبې په ورځ وویل؛ مخالفان به د یانوکوویچ د حکومت د استعفی غوښتنې ته دوام ورکړي:
"د دوشنبې د ورځې لپاره پلان دا دی چې د کابینې وزیرانو د دفترونو مخې ته به راټولیږو. زموږ اصلي غوښتنه د کابینې د وزیرانو استعفی ده. د حکومت د صلب اعتماد مسوده پارلمان ته وړاندې شوې ده.
د سیمې ګوندونه باید رایې ورکړي چې؛ حکومت به له خلکو غلا نه کوي او د کوچنیانو د وهلو امر به نه کوي. زموږ اصلي هدف د یانوکوویچ د حکومت استعفی ده. موږ د صدراعظم میکولا آزاروف– یانوکوویچ د حکومت استعفی غواړو."
اسوشیېټډپرس آژانس وایي؛ د اوکراین د پارلمان وکیلان به نن مشورتي غونډه وکړي.
د یکشنبې په ورځ شاوخوا یو لک کسانو د حکومت بندیز په پام کې ونه نیوه او مظاهرو ته یې دوام ورکړ.