د بامیان د اطلاعاتو او کلتور ریاست وايي چې؛ د تاریخي سیمو بیارغونه سمه نه کیږي.
د بامیان د اطلاعاتو او کلتور رییس کبیردادرس نن له ازادي راډیو سره په خبرو کې وویل ځینې بهرنۍ موسسې چې د دغو اثارو په بیارغونه کې فعالې دي په سمه توګه له خپلو کارونو نظارت نه کوي.
ښاغلي دادرس زیاته کړه، ناسم نظارت او نامسلکي کارګران د دې لامل کیږي چې ځینې دغه تاریخي ځایونه له جوړیدو وروسته په ډېره لږه موده کې بېرته وران شي.
دادرس د بیلګې په توګه د خواجه سبز پوش زیارت ته اشاره وکړه او ویې ویل چې یونیسکو یې تر سلو کلونو پورې د نه تخریبیدو تضمین کړی و خو د یوه کال په تیریدو سره وران شوی دی.
ښاغلي دادرس دا اندیښنې په داسې حال کې څرګندې کړې چې د غلغلې په تاریخي ښار کار روان دی.