مشرانو جرګه د افغانستان پر لویه څارنوالي انتقاد کوي، چې د ځمکو د غاصبینو د نومونو په افشا کولو کې جدي کار نه کوي.
یو شمیر سناتوران د افغانستان لویه څارنوالي د ځمکې د غصب د مخنیوي په مساله کې په بې پروایۍ تورنوي او وايي چې دوی د ځمکو د غاصبینو پر وړاندې جدي اقدام نه کوي.
د مشرانو جرګې د یکشنبې ورځې په عمومي غونډه کې دغه راز په دې ادارې کې د فساد د موجودیت له امله انتقاد وشو.
دوو سناتورانو خالق داد بلاغي او حافظ عبدالقیوم په دې اړه وویل:
"۱- دا د خواشینۍ ځای دی په داسې حال کې چې د لویې څارنوالۍ کارکونکي پر خپلو څوکیو ناست دي؛ د دوی کار ملي شورا کوي. زه پر دوی غږ کوم چې، نورنو له خوبه را ویښ شي.
۲- زما په نظر اصلي عامل په خپله لویه څارنوالي ده. کله چې د فساد قضیې ورشي، دوی په کې نور فساد لټوي. اصل ستونزه په خپله لویه څارنوالي او د دې ادارې په رهبرۍ کې ده."
تر دې یوه ورځ مخکې د ولسي جرګې یوه اختصاصي کمیسیون د دې جرګې عمومي غونډې ته د هغو پنځلسو زرو کسانو لست وسپاره چې؛ د یو عشاریه درې ملیونو جریبه ځمکې په غصب کې په لاس لرلو تورن بلل شوي.
په دې لست کې نولس کسان داسې ښودل شوي چې؛ هر یو یې د لسګونو زره جریبه ځمکې په غصب تورن دي.
د حکومت پر اعمالو د ولسي جرګې د څار ځانګړي کمیسیون پر دې لست اته میاشتې کار وکړ.
خو په دې راپور کې د هغو لوړ پوړو دولتي کسانو نومونه نه دي شامل چې؛ د ځمکو په غصب کې په لاس لرلو تورن دي.
اخوا لویه څارنوالي وايي، چې دوی د غصب شویو ځمکو د معلومولو لپاره یو هییت ټاکلی او تر اوسه یې په بیلابیلو ولایتونو کې شاوخوا نوي زره غصب شوې ځمکه بېرته اخیستې ده.
د دې ادارې ویاند بصیر عزیزي دغه راز د مشرانو جرګې د غړو د انتقاد په ځواب کې وویل؛ چې که ټولې ادارې په دا ډول مسایلو کې له لویه څارنوالۍ سره همکاري وکړي، نو ښه نتیجه به ورکړي:
"موږ هم په دې نظر یو چې د ځمکو د غاصبینو تثبیتول د لویې څارنوالۍ وظیفه ده. ولسي جرګې هم په دې برخه کې زموږ سره همکاري کړې او موږ ورته ښه راغلاست وایو. ښه به دا وي چې د افغانستان ټول ارګانونه سره همکار و اوسي او یوه جرمي موضوع چې دوی پیدا کوي هغه ولیږي څارنوالۍ ته څو څارنوالي ورباندي څیړني و کړي."
پر افغان حکومت تل انتقاد شوی دی چې په هیواد کې د غصب شویو ځمکو د بیرته راګرځولو لپاره جدي اقدامات نه کوي او ورځ تر بلې لا ډیرې دولتي او شخصي ځمکې غصبیږي.
خو د ځینو کارپوهانو په باور له کومه ځایه چې په دې غصب کې ځینې لوړپوړي حکومتي چارواکي لاس لري، ځکه خو یې په بیرته راګرځولو کې حکومت پاتې راغلی دی.
یو شمیر سناتوران د افغانستان لویه څارنوالي د ځمکې د غصب د مخنیوي په مساله کې په بې پروایۍ تورنوي او وايي چې دوی د ځمکو د غاصبینو پر وړاندې جدي اقدام نه کوي.
د مشرانو جرګې د یکشنبې ورځې په عمومي غونډه کې دغه راز په دې ادارې کې د فساد د موجودیت له امله انتقاد وشو.
دوو سناتورانو خالق داد بلاغي او حافظ عبدالقیوم په دې اړه وویل:
"۱- دا د خواشینۍ ځای دی په داسې حال کې چې د لویې څارنوالۍ کارکونکي پر خپلو څوکیو ناست دي؛ د دوی کار ملي شورا کوي. زه پر دوی غږ کوم چې، نورنو له خوبه را ویښ شي.
۲- زما په نظر اصلي عامل په خپله لویه څارنوالي ده. کله چې د فساد قضیې ورشي، دوی په کې نور فساد لټوي. اصل ستونزه په خپله لویه څارنوالي او د دې ادارې په رهبرۍ کې ده."
تر دې یوه ورځ مخکې د ولسي جرګې یوه اختصاصي کمیسیون د دې جرګې عمومي غونډې ته د هغو پنځلسو زرو کسانو لست وسپاره چې؛ د یو عشاریه درې ملیونو جریبه ځمکې په غصب کې په لاس لرلو تورن بلل شوي.
په دې لست کې نولس کسان داسې ښودل شوي چې؛ هر یو یې د لسګونو زره جریبه ځمکې په غصب تورن دي.
د حکومت پر اعمالو د ولسي جرګې د څار ځانګړي کمیسیون پر دې لست اته میاشتې کار وکړ.
خو په دې راپور کې د هغو لوړ پوړو دولتي کسانو نومونه نه دي شامل چې؛ د ځمکو په غصب کې په لاس لرلو تورن دي.
اخوا لویه څارنوالي وايي، چې دوی د غصب شویو ځمکو د معلومولو لپاره یو هییت ټاکلی او تر اوسه یې په بیلابیلو ولایتونو کې شاوخوا نوي زره غصب شوې ځمکه بېرته اخیستې ده.
د دې ادارې ویاند بصیر عزیزي دغه راز د مشرانو جرګې د غړو د انتقاد په ځواب کې وویل؛ چې که ټولې ادارې په دا ډول مسایلو کې له لویه څارنوالۍ سره همکاري وکړي، نو ښه نتیجه به ورکړي:
"موږ هم په دې نظر یو چې د ځمکو د غاصبینو تثبیتول د لویې څارنوالۍ وظیفه ده. ولسي جرګې هم په دې برخه کې زموږ سره همکاري کړې او موږ ورته ښه راغلاست وایو. ښه به دا وي چې د افغانستان ټول ارګانونه سره همکار و اوسي او یوه جرمي موضوع چې دوی پیدا کوي هغه ولیږي څارنوالۍ ته څو څارنوالي ورباندي څیړني و کړي."
پر افغان حکومت تل انتقاد شوی دی چې په هیواد کې د غصب شویو ځمکو د بیرته راګرځولو لپاره جدي اقدامات نه کوي او ورځ تر بلې لا ډیرې دولتي او شخصي ځمکې غصبیږي.
خو د ځینو کارپوهانو په باور له کومه ځایه چې په دې غصب کې ځینې لوړپوړي حکومتي چارواکي لاس لري، ځکه خو یې په بیرته راګرځولو کې حکومت پاتې راغلی دی.