د چاپیریال ساتنې د ملي ادارې چارواکي په دې نظر دي؛ که مربوط ارګانونه د کابل ښار د چاپیریال ساتنې لپاره عملي اقدامات ونه کړي؛ نو ښایي چې په راتلونکو څو کلونو کې په دې ښارکې ژوندکول هم ګران شي.
د دې ادارې ريیس مصطفی ظاهر د چهار شنبې په ورځ په کابل کې د چاپیریال ساتنې د نړیوالې ورځې د نمانځلو په غونډه کې وویل؛ که څه هم په وروستیو څو کلونو کې د چاپیریال ساتنې د ملي ادارې له قوانینو سره سم په دې برخه کې یولړ کارونه شوي؛ خو د ده په خبره کافي نه دي.
ښاغلی ظاهر ټینګار وکړ، چې ټول مربوط ارګانونه او د کابل ښار اوسیدونکي دې په دې هکله هڅې زیاتې کړي:
"د کابل ښار چې د افغانستان پایتخت دی، که لس کیلومټره ترې لیرې لاړ شې هیڅ ډول ککړتیابه ونه وینئ.
کابل ښار د چاپیریال د سقوط مثال لري، که د چاپیریال ستونزه په همدې ډول پرمخ لاړه شي، په احتمالي توګه ویلي شم، له پنځو څخه تر اوو کلونو پورې به په دې ښار کې ژوند ګران شي."
د چاپیریال ساتنې ملي اداره وايي، د نفوسو زیاتوالی، بې پلانه ودانۍ، اقتصادي ستونزې، مهاجرتونه، د شنو سیمو له منځه تلل او د چاپیریال پر وړاندې د خلکو بې پروايي سبب شوې؛ چې د کابل ښار چاپیریال له بل هروخت نه زیات ککړ شي.
د دې ادارې مسوولانو وویل، دا اداره یوه پالیسي جوړوونکې اداره ده او د دولت د پرېکړې په اساس نولس ارګانونه مکلف شوي چې په خپلو پلانونو کې د چاپیریال ساتنې پروګرامونه ځای کړي.
بلخوا په همدې ورځ د "کلب سبز" په نامه یوې خپلواکې موسسې د کابل ښار په یوشمېر ښونځیو کې زده کوونکو ته د چاپیریال د اهمیت په هکله د عامه پوهاوي پروګرامونه پیل کړل.
د دې موسسې مشر محمد ناصر صدیقي د خپل کمپاین د هدف په اړه وویل:
"زموږهدف دا دی، چې د چاپیریال په هکله د خلکو د پوهاوي سطح لوړه کړو. هره ورځ به څلورو ښونځیو ته ځواوسربیره پردې یوکمپاین هم پیلوو هیله زموږ د اپروګرام کامیاب او اغیزمن اوسي."
د کلب سبز موسسې مشر دا هم وویل، هرکال په افغانستان کې څه باندې درې زره خلک چې ډېره برخه یې ماشومان جوړوي د ککړ چاپیریال له امله مړه کیږي.
دعامې روغتیا وزارت هم وايي، چې د ککړې خاورې، هوا، اوبو او خوړو له امله خلک په کابل او نورو ولایتونو کې په ځینو خطرناکو ناروغیو اخته کیږي.
خو د چاپیریال ساتنې اداره وايي، که د دوی له خوا ترتیب شوې طرحې او قوانین پلی شي نو د کابل ښار د چاپیریال په وضع کې به ښه والی راشي.
راپور: خان محمد سیند
د دې ادارې ريیس مصطفی ظاهر د چهار شنبې په ورځ په کابل کې د چاپیریال ساتنې د نړیوالې ورځې د نمانځلو په غونډه کې وویل؛ که څه هم په وروستیو څو کلونو کې د چاپیریال ساتنې د ملي ادارې له قوانینو سره سم په دې برخه کې یولړ کارونه شوي؛ خو د ده په خبره کافي نه دي.
ښاغلی ظاهر ټینګار وکړ، چې ټول مربوط ارګانونه او د کابل ښار اوسیدونکي دې په دې هکله هڅې زیاتې کړي:
"د کابل ښار چې د افغانستان پایتخت دی، که لس کیلومټره ترې لیرې لاړ شې هیڅ ډول ککړتیابه ونه وینئ.
کابل ښار د چاپیریال د سقوط مثال لري، که د چاپیریال ستونزه په همدې ډول پرمخ لاړه شي، په احتمالي توګه ویلي شم، له پنځو څخه تر اوو کلونو پورې به په دې ښار کې ژوند ګران شي."
د چاپیریال ساتنې ملي اداره وايي، د نفوسو زیاتوالی، بې پلانه ودانۍ، اقتصادي ستونزې، مهاجرتونه، د شنو سیمو له منځه تلل او د چاپیریال پر وړاندې د خلکو بې پروايي سبب شوې؛ چې د کابل ښار چاپیریال له بل هروخت نه زیات ککړ شي.
د دې ادارې مسوولانو وویل، دا اداره یوه پالیسي جوړوونکې اداره ده او د دولت د پرېکړې په اساس نولس ارګانونه مکلف شوي چې په خپلو پلانونو کې د چاپیریال ساتنې پروګرامونه ځای کړي.
بلخوا په همدې ورځ د "کلب سبز" په نامه یوې خپلواکې موسسې د کابل ښار په یوشمېر ښونځیو کې زده کوونکو ته د چاپیریال د اهمیت په هکله د عامه پوهاوي پروګرامونه پیل کړل.
د دې موسسې مشر محمد ناصر صدیقي د خپل کمپاین د هدف په اړه وویل:
"زموږهدف دا دی، چې د چاپیریال په هکله د خلکو د پوهاوي سطح لوړه کړو. هره ورځ به څلورو ښونځیو ته ځواوسربیره پردې یوکمپاین هم پیلوو هیله زموږ د اپروګرام کامیاب او اغیزمن اوسي."
د کلب سبز موسسې مشر دا هم وویل، هرکال په افغانستان کې څه باندې درې زره خلک چې ډېره برخه یې ماشومان جوړوي د ککړ چاپیریال له امله مړه کیږي.
دعامې روغتیا وزارت هم وايي، چې د ککړې خاورې، هوا، اوبو او خوړو له امله خلک په کابل او نورو ولایتونو کې په ځینو خطرناکو ناروغیو اخته کیږي.
خو د چاپیریال ساتنې اداره وايي، که د دوی له خوا ترتیب شوې طرحې او قوانین پلی شي نو د کابل ښار د چاپیریال په وضع کې به ښه والی راشي.
راپور: خان محمد سیند