د افغانستان په تېرو او اوسنیو جګړو کې د بشري حقونو سرغړونې هغه لانجمنه موضوع ده، چې نه د بشري حقونو خپلواک کمیسیون، نه حکومت، نه ملي شورا او نه مدني ټولنو یوه هم د هغو د عاملانو د نومونو د اعلان مسوولیت پر غاړه نه دی اخیستی.
نو د افغانستان د انتخاباتو کمیسیون به د کومو اصولو او معیارونو له مخې له یوه یا څو ځانګړو کاندیدانو څخه په انتخاباتو کې د ګډون حق واخلي.
پر دې موضوع احمدتکل د افغانستان د بشري حقونو د خپلواک کمیسیون له پخواني کمیشنر او د ازادو او عادلانه انتخاباتو د بنسټ له مشر نادرنادري سره په مرکه کې خبرې کړي.
