د قرغزستان په درېیو ښارونو کې په سلګونو کسانو لاریون وکړ. دوی په پارلمان کې د اپوزسیون د درېیو نیول شویو غړیو د سمدستي خوشي کیدو غوښتنه کوي.
لوی لاریون د قرغزستان د جنوب په ستر ښار اوش کې وشو، ورته لاریون د جنوب په بل ښار جلال اباد کې وشو؛ چې په سلګونو کسان د ښار په مرکز کې راغونډ شوې وو او ویل یې، چې تر هغو به همدلته سره یوځای وي چې د اپوزسیون دغه درې تنه نیول شوي نه وي خوشي شوي.
د قرغزستان په شمال کې د اپوزسیون عطا یورت غونډې نژدې څلور سوه ملاتړي د کراکل په ښار کې راغونډ شوي وو. د عطا یورت مشران او د پارلمان غړي، کامچیبیک تاشیف، صدر جاپاروف او تالانت مامیتوف تورن شوې دي چې د تیرکال په ناکراریو کې یې خلک پارول.
چارواکي وایي، چې دغو نیول شویو کسانو د دوه زره دولسم کال د اکتوبر په میاشت کې په هغې مظاهرې لاس درلود چې خشونت په کې وشو. دا مظاهره په مرکز بشکک کې شوې وه چې نژدې زر تنو پکې برخه اخیستې وه.
لوی لاریون د قرغزستان د جنوب په ستر ښار اوش کې وشو، ورته لاریون د جنوب په بل ښار جلال اباد کې وشو؛ چې په سلګونو کسان د ښار په مرکز کې راغونډ شوې وو او ویل یې، چې تر هغو به همدلته سره یوځای وي چې د اپوزسیون دغه درې تنه نیول شوي نه وي خوشي شوي.
د قرغزستان په شمال کې د اپوزسیون عطا یورت غونډې نژدې څلور سوه ملاتړي د کراکل په ښار کې راغونډ شوي وو. د عطا یورت مشران او د پارلمان غړي، کامچیبیک تاشیف، صدر جاپاروف او تالانت مامیتوف تورن شوې دي چې د تیرکال په ناکراریو کې یې خلک پارول.
چارواکي وایي، چې دغو نیول شویو کسانو د دوه زره دولسم کال د اکتوبر په میاشت کې په هغې مظاهرې لاس درلود چې خشونت په کې وشو. دا مظاهره په مرکز بشکک کې شوې وه چې نژدې زر تنو پکې برخه اخیستې وه.