شپاړسم پاپ بېنېډېکټ د نړۍ د کاتولیکې کلیسا د مشر په توګه له نژدې اتو کلونو کار وروسته پرون رسماً متقاعد شو. د بېنېډېکټ له غوښتنې سره سم پرون په سیمه ییز وخت د شپې په اتو بجو د پاپ ځای رسماً خالي شو.
نوموړی پرون له دې مخکې په یوه هیلیکوپټر کې له واتیکان څخه روم ته نژدې د پاپ د اوړي استوګنځي ته ولېږدول شو. نوموړي د دې ماڼۍ له کړکۍ څخه خلکو ته په وینا کې خدای پاماني وکړه:
"څرنګه چې وینئ، نن له پخوانیو ورځو سره توپیر لري. زه به نن د شپې تر اتوبجو د کاتولیکې کلیسا ستر روحاني مشر یم او له هغه وروسته به یو عادي عبادت کوونکی یم؛ چې د ځمکې پرمخ د خپل عبادت وروستی پړاو پیلوي."
په راتلونکې میاشت کې د بل پاپ تر انتخابېدو پورې به د بېنېډېکټ مرستیال کاردینال تارسیسیو بېرتون Tarcisio Bertone د نړۍ د نژدې یواعشاریه دوه میلیارده رومن کاتولیکانو روحاني مشر وي.
۸۵ کلن پاپ د فبروري په یوولسمه نېټه اعلان وکړ؛ چې د روغتیايي ستونزو له وجې نشي کولای خپل کار ته دوام ورکړي او دا په تېرو شپږسوو کلونو کې لومړی ځل دی چې پاپ له دندې استعفی کوي.
نوموړی پرون له دې مخکې په یوه هیلیکوپټر کې له واتیکان څخه روم ته نژدې د پاپ د اوړي استوګنځي ته ولېږدول شو. نوموړي د دې ماڼۍ له کړکۍ څخه خلکو ته په وینا کې خدای پاماني وکړه:
"څرنګه چې وینئ، نن له پخوانیو ورځو سره توپیر لري. زه به نن د شپې تر اتوبجو د کاتولیکې کلیسا ستر روحاني مشر یم او له هغه وروسته به یو عادي عبادت کوونکی یم؛ چې د ځمکې پرمخ د خپل عبادت وروستی پړاو پیلوي."
په راتلونکې میاشت کې د بل پاپ تر انتخابېدو پورې به د بېنېډېکټ مرستیال کاردینال تارسیسیو بېرتون Tarcisio Bertone د نړۍ د نژدې یواعشاریه دوه میلیارده رومن کاتولیکانو روحاني مشر وي.
۸۵ کلن پاپ د فبروري په یوولسمه نېټه اعلان وکړ؛ چې د روغتیايي ستونزو له وجې نشي کولای خپل کار ته دوام ورکړي او دا په تېرو شپږسوو کلونو کې لومړی ځل دی چې پاپ له دندې استعفی کوي.