اریانا هوایي شرکت به یو شمېر اروپایي هېوادونو ته پروازونه پیل کړي
د افغانستان د ترانسپورت وزارت وایي، اریانا افغان هوایي شرکت به په راتلونکو دوه درې میاشتو کې له یوه بهرني هوایي شرکت سره شریک شي او یو شمېر اروپایي او امریکایي هېوادونو ته به پروازونه پیل کړي.
د ترانسپورت وزیر وایي، د دې شرکت مسلکي او تخنیکي نیمګړتیاوې د بشپړیدو په حال کې دی.
ده دا هم وایي، جاپان ژمنه کړې چې د شل میلیونو ډالرو په لګښت د کابل نړېوال هوایي ډګر د طیارو پارکنګ پراخ کړي.
