د امریکا د متحدو ایالاتونو ولسمشر بارک اوباما وروسته تردې چې سخت سمندري توپان د امریکا ختیځې برخې وځپلې، نیویارک او نیوجرسي سترمصیبت ځپلی ایالتونه اعلان کړل.
په دغه اقدام سره د دې ایالتونو هغه اوسیدونکي، چې دغه توپان زیات زیانونه ور اړولي، له فدرالي مالي مرستو برخمن کیږي.
د سنډي په نامه توپان د اتلانتیک تر ټولو سخت توپان دی، چې د لومړي ځل لپاره امریکا سخته ځپي. په امریکا او کاناډا کې د شاوخوا ۳۰ کسانو د وژل کیدو راپورونه ورکړل شوي دي.
اوباما په واشنګټن کې سره صلیب ته وویل، چې راتلونکې ورځې به ډیرې سختې وي:
"موږ د ټولو هغو کورنیو په فکر کې یو او دعا ورته کوو، چې خپل عزیزان یې له لاسه ورکړي دي.
په خواشینې سره د سنډې سمندري توپان تلفات اړولي، خو په اوس وخت کې دا نه ده روښانه، چې موږ به ټول تلفات شمیرلي وي، خو دا واضح ده چې دغه مصیبت د ټول ملت زړه مات کړی دی."
د سختو بادونو له امله شاوخوا شپږ میلیون وګړي له بریښنا بې برخې شوي دي.
په نیویارک ښار کې سمندري توپان تر ځمکې لاندې میترو او د موټرو د تېریدو تونلونه له اوبو ډک کړي دي.
د مصونیت د احتیاطي تدابیرو په ترڅ کې د بریښنا د تولید د څو اټومي تاسیاستو فعالیت بند شوی دی.
سنډی توپان د امریکا د خاورې مرکزي برخې ته په لاره خپل قوت یوڅه له لاسه ورکړی دی. په دې اړه چې دغه توپان به څومره زیان اړولی تر اوسه پوره جزیات نه دي څرګند.
په دغه اقدام سره د دې ایالتونو هغه اوسیدونکي، چې دغه توپان زیات زیانونه ور اړولي، له فدرالي مالي مرستو برخمن کیږي.
د سنډي په نامه توپان د اتلانتیک تر ټولو سخت توپان دی، چې د لومړي ځل لپاره امریکا سخته ځپي. په امریکا او کاناډا کې د شاوخوا ۳۰ کسانو د وژل کیدو راپورونه ورکړل شوي دي.
اوباما په واشنګټن کې سره صلیب ته وویل، چې راتلونکې ورځې به ډیرې سختې وي:
"موږ د ټولو هغو کورنیو په فکر کې یو او دعا ورته کوو، چې خپل عزیزان یې له لاسه ورکړي دي.
په خواشینې سره د سنډې سمندري توپان تلفات اړولي، خو په اوس وخت کې دا نه ده روښانه، چې موږ به ټول تلفات شمیرلي وي، خو دا واضح ده چې دغه مصیبت د ټول ملت زړه مات کړی دی."
د سختو بادونو له امله شاوخوا شپږ میلیون وګړي له بریښنا بې برخې شوي دي.
په نیویارک ښار کې سمندري توپان تر ځمکې لاندې میترو او د موټرو د تېریدو تونلونه له اوبو ډک کړي دي.
د مصونیت د احتیاطي تدابیرو په ترڅ کې د بریښنا د تولید د څو اټومي تاسیاستو فعالیت بند شوی دی.
سنډی توپان د امریکا د خاورې مرکزي برخې ته په لاره خپل قوت یوڅه له لاسه ورکړی دی. په دې اړه چې دغه توپان به څومره زیان اړولی تر اوسه پوره جزیات نه دي څرګند.