له کابله تر مکې مکرمې پورې

سږکال شا و خوا دوه مليونه مسلمانان د نړۍ له بېلابېلو برخو چې په هغوى کې ٣٠زره افغانان هم شامل دي، د حج د مراسمو لپاره سعودي عربستان ته تللي دي. دغه مراسم د چهارشنبې په ورځ پيل شوي او د جمعې په ورځ پايته رسېږي. که څه هم ولسمشر حامد کرزي په تېرو اخترونو کې په پرله پسې توګه وسله والو مخالفینو ته د سولې بلنه ورکوله، خو دا ځل یې خپله غوښتنه یو څه بدله کړه. ولسمشر کرزي چې د جمعې په ورځ د لوی اختر د لمانځه له ادا کېدو وروسته خبریالانو ته خبرې کولې، له وسله والو طالبانو وغوښتل چې د پردیو وسله پرځمکه کیږدي او د انتخاباتو له لارې دې د افغانستان په حکومت کې برخه واخلي.