کابل ښارنن سهار یو ځل بیا د یوې خونړۍ ځان وژونکې حملې شاهد وو.
امنیتي مسوولان وایی، چې په دې حمله کې لس تنه وژل شوي او یو شمېر نور ټپیان شوی دي.
د کابل د امنیې قومندانۍ مرستیال جنرال محمد داوود امین ازادي راډیو ته وویل، چې په وژل شوو کې د اې، سي، اف خصوصي ترانسپورتي کمپنۍ نهه بهرني کار کوونکي، د هغوی افغان موټر چلوونکی او دوه نور ملکي وګړي شامل دي.
جنرال امین څرګنده کړه، چې دا ځان وژونکې حمله د کابل نړېوال هوایی ډګر ته څیرمه په اتیا مټره سړک د اورانوس مجلل هوټل ته نږدې سیمه کې د یوه کرولا ډوله موټر په واسطه شوی ده.
د کابل د امنیې قومندانۍ د مرستیال په خبره په دې پیښه کې یو شمېر ملکي وګړي ټپیان شوي هم دي.
د انجنیر ګلبدین حکمتیار په مشرۍ د حزب اسلامي ویاند زبیر صدیقي د دې حملې مسوولیت منلی او ادعا یې کړې، چې دا حمله د فاطمې په نوم د یوې نجلۍ له خوا شوی ده.
ده وویل، چې دا حمله په امریکا کې د هغه جوړ شوي فلم پر ضد شوې چې په کې د اسلام پیغمبر حضرت محمد صل الله علیه وسلم ته سپکاوی شوی.
له اوس نه یوولس ورځې مخکې هم د کابل ښار په یوه مهمه سیمه د ایساف قومندانۍ، د امریکا سفارت او د افغانستان د ترانسپورت او هوایي چلند وزارت ته نږدې یوه ځان وژونکې حمله وشوه، چې د کابل د امنیې قومندانۍ په خبره یوولس تنه ملکي وګړي پکې مړه او ټپیان شول.
امنیتي مسوولان وایی، چې په دې حمله کې لس تنه وژل شوي او یو شمېر نور ټپیان شوی دي.
د کابل د امنیې قومندانۍ مرستیال جنرال محمد داوود امین ازادي راډیو ته وویل، چې په وژل شوو کې د اې، سي، اف خصوصي ترانسپورتي کمپنۍ نهه بهرني کار کوونکي، د هغوی افغان موټر چلوونکی او دوه نور ملکي وګړي شامل دي.
جنرال امین څرګنده کړه، چې دا ځان وژونکې حمله د کابل نړېوال هوایی ډګر ته څیرمه په اتیا مټره سړک د اورانوس مجلل هوټل ته نږدې سیمه کې د یوه کرولا ډوله موټر په واسطه شوی ده.
د کابل د امنیې قومندانۍ د مرستیال په خبره په دې پیښه کې یو شمېر ملکي وګړي ټپیان شوي هم دي.
د انجنیر ګلبدین حکمتیار په مشرۍ د حزب اسلامي ویاند زبیر صدیقي د دې حملې مسوولیت منلی او ادعا یې کړې، چې دا حمله د فاطمې په نوم د یوې نجلۍ له خوا شوی ده.
ده وویل، چې دا حمله په امریکا کې د هغه جوړ شوي فلم پر ضد شوې چې په کې د اسلام پیغمبر حضرت محمد صل الله علیه وسلم ته سپکاوی شوی.
له اوس نه یوولس ورځې مخکې هم د کابل ښار په یوه مهمه سیمه د ایساف قومندانۍ، د امریکا سفارت او د افغانستان د ترانسپورت او هوایي چلند وزارت ته نږدې یوه ځان وژونکې حمله وشوه، چې د کابل د امنیې قومندانۍ په خبره یوولس تنه ملکي وګړي پکې مړه او ټپیان شول.