د افغانستان د جمهوري ریاست چارواکي وایي، چې د ځینو ځانګړو کړیو له خوا د سولې د هڅو د ګډوډولو لپاره هڅې روانې دي.
د ولسمشر ویاند ایمل فیضی د یکشنبې په ورځ په کابل کې خبریالانو ته وویل چې له دې ستونزو او ګواښونو سره سره به حکومت د سولې هڅو ته دوام ورکړي.
د جمهوري ریاست چارواکو د هغو کړیو له افشا کولو ډډه وکړه، چې په خبره یې په افغانستان کې د سولې د ګډوډولو هڅې کوي او د دغه بهیر په وړاندې ستونزې اوخنډونه رامنځ ته کوي.
د ولسمشر حامد کرزي ویاند ایمل فیضي د یکشنې په ورځ په کابل کې خبریالانو ته وویل؛ چې له پخوا څخه یو شمیر کړیو د سولې د هڅو په وړاندې فعالیتونه کول او په خبره یې دغه فعالیتونه اوس هم دوام لري.
ښاغلي فیضي د سولې عالي شورا د بندیانو د کمیټې د مشر مولوي ارسلا رحماني وژنه هم د دغو هڅو یوه برخه وبلله خو زیاته یې کړه؛ چې داسې پیښې به د دوی په هڅو کوم اغیز ونه کړي.
″د مولوي ارسلا رحماني وژنه یوه لویه ضایعه او یوه بله قرباني ده، چې افغانان یې د سولې د رامنځ ته کولو په هدف ورکوي.
د سولې بهیر تل سب او تاژ شوی، د سولې بهیر له پخوا نه هم له یوشمېر ستونزو او ګواښونو سره مخ وو؛ چې دغه ستونزې او ګواښونه تراوسه هم دوام لري.
خو د سولې د دښمنانو دغه هڅې موږ له خپل هدف څخه نه شي ګرځولی؛ دا چې څوک دغه ګواښونه رامنځ ته کوي؟ زه نه غواړم په دې اړه څه ووایم.″
د سولې عالي شورا د بندیانو د کمیټې مسول مولوي ارسلا رحماني د یکشنبې په ورځ د کابل ښار د ده بوري په سیمه کې د نامعلومه وسله والو په ډزو کې ووژل شو.
که څه هم افغان حکومت له څو کلونو راهیسې هڅه کوي؛ چې له وسله والو مخالفینو سره د سولې مستقیمې خبرې پيل کړي؛ خو د ځینو لاملونو له کبله د افغان حکومت مخالفې ډلې تراوسه د سولې مستقیمو خبرو ته زړه نه دی ښه کړی.
په یوه وروستي اقدام کې د حزب اسلامي مشر ګلبدین حکمتیار وویل؛ چې له امریکا سره د ستراتيژیک سند له لاسلیکیدو وروسته یې له افغان حکومت سره خبرې اترې درولي.
خو د ولسمشر حامد کرزي ویاند ایمل فیضي د حکمتیار دغه اقدام کابل ته د دغه ګوند د راغلي پلاوی له ژمنو او خبرو سره په ټکر کې وباله.
″د حزب اسلامي پلاوي کابل ته متعدد سفرونه درلودل، یو شی چې ډیر جالب دی، هغه دا چې د حزب اسلامي له پلاوي سره چې کابل ته راغلی و؛ د افغانستان او امریکا ترمنځ د ستراتيژیک سند موضوع شریکه شوې وه.
د دغه سند پر وړاندې د دغه پلاوی نظر ډیر مثبت وو، دوی وویل، چې په دې برخه کې د نظر اختلافات له منځه تللی.
خو د حزب اسلامي د مشر وروستې څرګندونې د دغه پلاوي له خبرو سره په ټکر کې دي.″
له دې وړاندې د حزب اسلامي یو پلاوی دوه ځله کابل ته راغلی او له افغان چارواکو سره یې مستقمیمې خبرې کړي دي.
د ولسمشر ویاند وایي، د ملي امنیت شورا له دغه پلاوي سره د ستراتيژیک سند موضوع شریکه کړه او په دې اړه یې کامل وضاحت ورکړ.
بل لورته وسله والو طالبانو هم له ګوانتانامو زندان څخه د خپلو پنځو ملګرو دنه خوشې کیدو په غبرګون کې په قطر کې د سولې خبرې اترې درولي دي.
دا چې د افغان حکومت دغه مخالفې ډلې به بیا له افغان حکومت سره د سولې خبرې اترې پيلوي او که نه اوس یې اټکل ګران دی.
راپور: اسدالله لودین
د ولسمشر ویاند ایمل فیضی د یکشنبې په ورځ په کابل کې خبریالانو ته وویل چې له دې ستونزو او ګواښونو سره سره به حکومت د سولې هڅو ته دوام ورکړي.
د جمهوري ریاست چارواکو د هغو کړیو له افشا کولو ډډه وکړه، چې په خبره یې په افغانستان کې د سولې د ګډوډولو هڅې کوي او د دغه بهیر په وړاندې ستونزې اوخنډونه رامنځ ته کوي.
د ولسمشر حامد کرزي ویاند ایمل فیضي د یکشنې په ورځ په کابل کې خبریالانو ته وویل؛ چې له پخوا څخه یو شمیر کړیو د سولې د هڅو په وړاندې فعالیتونه کول او په خبره یې دغه فعالیتونه اوس هم دوام لري.
ښاغلي فیضي د سولې عالي شورا د بندیانو د کمیټې د مشر مولوي ارسلا رحماني وژنه هم د دغو هڅو یوه برخه وبلله خو زیاته یې کړه؛ چې داسې پیښې به د دوی په هڅو کوم اغیز ونه کړي.
″د مولوي ارسلا رحماني وژنه یوه لویه ضایعه او یوه بله قرباني ده، چې افغانان یې د سولې د رامنځ ته کولو په هدف ورکوي.
د سولې بهیر تل سب او تاژ شوی، د سولې بهیر له پخوا نه هم له یوشمېر ستونزو او ګواښونو سره مخ وو؛ چې دغه ستونزې او ګواښونه تراوسه هم دوام لري.
خو د سولې د دښمنانو دغه هڅې موږ له خپل هدف څخه نه شي ګرځولی؛ دا چې څوک دغه ګواښونه رامنځ ته کوي؟ زه نه غواړم په دې اړه څه ووایم.″
د سولې عالي شورا د بندیانو د کمیټې مسول مولوي ارسلا رحماني د یکشنبې په ورځ د کابل ښار د ده بوري په سیمه کې د نامعلومه وسله والو په ډزو کې ووژل شو.
که څه هم افغان حکومت له څو کلونو راهیسې هڅه کوي؛ چې له وسله والو مخالفینو سره د سولې مستقیمې خبرې پيل کړي؛ خو د ځینو لاملونو له کبله د افغان حکومت مخالفې ډلې تراوسه د سولې مستقیمو خبرو ته زړه نه دی ښه کړی.
په یوه وروستي اقدام کې د حزب اسلامي مشر ګلبدین حکمتیار وویل؛ چې له امریکا سره د ستراتيژیک سند له لاسلیکیدو وروسته یې له افغان حکومت سره خبرې اترې درولي.
خو د ولسمشر حامد کرزي ویاند ایمل فیضي د حکمتیار دغه اقدام کابل ته د دغه ګوند د راغلي پلاوی له ژمنو او خبرو سره په ټکر کې وباله.
″د حزب اسلامي پلاوي کابل ته متعدد سفرونه درلودل، یو شی چې ډیر جالب دی، هغه دا چې د حزب اسلامي له پلاوي سره چې کابل ته راغلی و؛ د افغانستان او امریکا ترمنځ د ستراتيژیک سند موضوع شریکه شوې وه.
د دغه سند پر وړاندې د دغه پلاوی نظر ډیر مثبت وو، دوی وویل، چې په دې برخه کې د نظر اختلافات له منځه تللی.
خو د حزب اسلامي د مشر وروستې څرګندونې د دغه پلاوي له خبرو سره په ټکر کې دي.″
له دې وړاندې د حزب اسلامي یو پلاوی دوه ځله کابل ته راغلی او له افغان چارواکو سره یې مستقمیمې خبرې کړي دي.
د ولسمشر ویاند وایي، د ملي امنیت شورا له دغه پلاوي سره د ستراتيژیک سند موضوع شریکه کړه او په دې اړه یې کامل وضاحت ورکړ.
بل لورته وسله والو طالبانو هم له ګوانتانامو زندان څخه د خپلو پنځو ملګرو دنه خوشې کیدو په غبرګون کې په قطر کې د سولې خبرې اترې درولي دي.
دا چې د افغان حکومت دغه مخالفې ډلې به بیا له افغان حکومت سره د سولې خبرې اترې پيلوي او که نه اوس یې اټکل ګران دی.
راپور: اسدالله لودین