ملګري ملتونه وایي، د اپریل له دولسمې راپه دې خوا چې په سوریې کې د ولسمشر بشارالاسد او اپوزسیون ډلو ترمنځ اوربند شوی دی تر څلوردیرش ډير ماشومان وژل شوي دي.
د ماشومانو او وسله والو شخړو لپاره د ملګرو ملتو ځانګړی استازی کوماراسوامي د سې شنبې په ورځ په یوه بیان کې وویل، دا کسان په داسې حال کې وژل شوې دي چې د اوربند لپاره د ملګرو ملتو څارونکي هم شته او دواړو لوریو ته یې خبرداری ورکړی دی چې د ماشومانو مرګ ژوبلې ته جدي توجه وکړي.
د دې شخړو په اړه د سوله ساتې ځواکونو لپاره د ملګرو ملتو مرستیال هیرف لادسوس بیا په نیویارک کې پرون خبریالانو ته وویل:
«په حقیقت کې زما په فکر له سیاسي پلوه مهم حقیقت دا دی چې دواړه لورې له اوربنده سرغړونه کوي.»
بل لور ته د سوریې د بشري حقونو څارونکې ډلې پرون وویل، د سوریې په ختیځ کې د دیارالزور په ښار کې حکومت مخالفه وسله والو دولس حکومتي پوځیان وژلې دي.
د بشري حقونو د څارنې ډلې همدا راز رپوټ ورکړ، چې لږ تر لږه لس تنه د سوریې په شمال کې د ادلیب په ولایت کې پرون د هاوان په ډزو وژل شوې دي.
د ماشومانو او وسله والو شخړو لپاره د ملګرو ملتو ځانګړی استازی کوماراسوامي د سې شنبې په ورځ په یوه بیان کې وویل، دا کسان په داسې حال کې وژل شوې دي چې د اوربند لپاره د ملګرو ملتو څارونکي هم شته او دواړو لوریو ته یې خبرداری ورکړی دی چې د ماشومانو مرګ ژوبلې ته جدي توجه وکړي.
د دې شخړو په اړه د سوله ساتې ځواکونو لپاره د ملګرو ملتو مرستیال هیرف لادسوس بیا په نیویارک کې پرون خبریالانو ته وویل:
«په حقیقت کې زما په فکر له سیاسي پلوه مهم حقیقت دا دی چې دواړه لورې له اوربنده سرغړونه کوي.»
بل لور ته د سوریې د بشري حقونو څارونکې ډلې پرون وویل، د سوریې په ختیځ کې د دیارالزور په ښار کې حکومت مخالفه وسله والو دولس حکومتي پوځیان وژلې دي.
د بشري حقونو د څارنې ډلې همدا راز رپوټ ورکړ، چې لږ تر لږه لس تنه د سوریې په شمال کې د ادلیب په ولایت کې پرون د هاوان په ډزو وژل شوې دي.