"افغان حکومت دې ۴۰۰ ښځې او نجونې له زندانونو خوشې کړي"

د بشري حقونو د څارنې ډلې د خپل نوي څیړنیز رپوټ له مخې پر افغان حکومت غږ کړی، چې شاوخوا څلور سوه ښځې او نجونې له زندانونو خوشې کړي، ځکه چې د دوي په وینا د دې زندانیانو جرمونه خورا عادي دي.

دغه رپوټ چې د چهارشنبې په ورځ خپور شو په کې له لسګونو افغان زندانیانو سره خبرې شوې دي او په افغانستان کې یې د بشري حقونو یو شمېر فعالان هم پوښتلي، په دغو فعالانو کې یو هم د بشري حقونو او چاپیریال ساتنې د ادارې مشر عبدالرحمان هوتکي دی.

له نوموړي سره احمد شیبر مرکه کړې او لومړی یې ترې پوښتلي چې د دوي اداره د بشري حقونو د څارنې رپوټ تاییدوي؟

له عبدالرحمان هوتکي سره مرکه