د امریکا په شمالي مرکزي سیمو کې د وروستیو طوفانونو له امله لږ تر لږه ۱۲ کسان وژل شوي

د امریکا په شمالي مرکزي سیمو کې د وروستیو طوفانونو له امله لږ تر لږه دولس کسان وژل شوي دی.

د امریکا د هواپیژندنې د ملي ادارې په حواله د غو سختو طوفانونو او خرابې هوا نیبراسکا، کانساس، میسوری، ایلینویس، اینډیانا او کینټاکی ایالتونه ځپلی دی.

دا اداره وایی چی په داسی حال کی طوفانونو ختیځ لور ته مخه کړې، د هوا د لاخرابیدو اټکل کوي.

د امریکا د هواپیژندنې د ملي ادارې د احصایې له مخی تیرکال په امریکا کی طوفانونو ۵۵۰ تنه وژلی چی دا په نژدې یوه پیړۍ کې ترټولو زیات تلفات دی.