په برتانیا کې یوې محکمې پرون نهه کسان د تروریستانو د روزنې د یوه کمپ او د لندن د اسهامو د تبادلې په بازار کې د چاودنو د پلان د جوړولو په تور په حبس محکوم کړل.
تورن چې تېره اونۍ یې خپل جرم منلی و، نهه واړه پاکستانیان او بنګلدېشیان دي خو د برتانیې تابعیتونه لري.
په دوی کې څلورو کسانو اعتراف کړی دی چې غوښتل یې د لندن د اسهامو په بازار کې یو بم کېږدي او دوو نورو یې تر دې کم جرمونه منلي دي. محکمې دې تورنو ته له پنځو تر شپاړسو کلونو پورې د حبس سزاګانې واورولې.
دریو نورو تورنو ته، چې په پاکستان کې د تروریستانو د روزنې د یوه کمپ د جوړولو په پلان یې اعتراف کړی د حبس دقیقه موده ونه ټاکل شوه خو لږترلږه اته کاله به په بندیخانه کې تېروي.
دا کسان ټول د ۲۰۱۰ کال په ډسمبر میاشت کې نیول شوي وو.
تورن چې تېره اونۍ یې خپل جرم منلی و، نهه واړه پاکستانیان او بنګلدېشیان دي خو د برتانیې تابعیتونه لري.
په دوی کې څلورو کسانو اعتراف کړی دی چې غوښتل یې د لندن د اسهامو په بازار کې یو بم کېږدي او دوو نورو یې تر دې کم جرمونه منلي دي. محکمې دې تورنو ته له پنځو تر شپاړسو کلونو پورې د حبس سزاګانې واورولې.
دریو نورو تورنو ته، چې په پاکستان کې د تروریستانو د روزنې د یوه کمپ د جوړولو په پلان یې اعتراف کړی د حبس دقیقه موده ونه ټاکل شوه خو لږترلږه اته کاله به په بندیخانه کې تېروي.
دا کسان ټول د ۲۰۱۰ کال په ډسمبر میاشت کې نیول شوي وو.