پروان: د وروستیو بدیدونو په تور د جومات یو امام نیول شوی

د پروان چارواکي وايي، د دغه ولایت په مرکز کې د دوو ورځو مخکې ډله یېزې ځان وژونکو حملو کې د لاس لرلو په تور یې درې مشکوک کسان نیولي دي.

په پروان کې د استخباراتو یوه مسوول د نوم د نه خپریدو په شرط ازادي راډیو ته وویل، دغه کسان تیره شپه د مرکز چاریکار په تتم درې سیمه کې ونیول شول.

د سیمې څو تنو اوسیدونکو ازادي راډیو ته وویل، چې په نیول شویو کسانو کې د جومات یو ملا امام هم شام دی.

دوه ورځې مخکې د پروان د والي د دفتر په انګړ شپږو ځان وژونکو حمله کوونکو حمله وکړه او لسګونو کسانو ته یې مرګ ژوبله واړوله.