ننګرهار: د سرحدي پولیسو او طالبانوتر منځ نښته شوې

د ننګرهار په نازیان سرحدي ولسوالۍ کې تیره شپه د سرحدي پولیسو او وسلوالو طالبانو ترمنځ له یوه ساعته ډیره نښته شوې.

په ننګرهار کې د سرحدي پولیسو ویاند ادریس مومند ازادي راډیو ته د دې خبر په تاییدولو سره وویل، چې پولیسو ته پکې مرګ ژوبله نه ده اوښې او د مخالفینو له مرګ ژوبلې خبر نه دی.

د وسلوالو طالبانو یوه ویاند ذبیح الله مجاهد بیا ادعا کړې چې په دې نښتې کې اته سرحدي پولیسو وژل شوي او څو تنه نور ټپیان دي.
چارواکو د دوی ادعا رد کړې.