په افغانستان کې د امریکا د دایمي پوځي اډو د جوړولو په اړه د روسيې د توند غبرګون وروسته افغان ولسمشر یو ځلې بیا په دې ټینګار وکړ، چې په دې اړه هر ډول پرېکړه باید په افغانستان کې د سولې د ټینګښت لامل شي.
ولسمشر حامد کرزي د شنبې په ورځ په کابل کې خبریالانو ته وویل، چې په افغانستان کې د امریکا د ستراتیژیکو اړیکو او دایمي اډو جوړول د افغان حکومت تر واک لوړه پرېکړه ده او دا پرېکړه د افغانستان په ملي شورا، لویه جرګه او په ټولیزه توګه افغانانو اړه لري.
همدارنګه ولسمشر کرزی د ګاونډیو هیوادونو نظر هم مهم بولي.
“زموږ د ګاونډیو هیوادونو نظرونه موږ ته مهم او اساسي دي، نن مو په دې اړه د روسیې خبره واورېدله، موږ په یوه جزیره کې ژوند نه کو، چې شا او خوا څه ونه لرو، بلکې په داسي سیمه کي ژوند کو چې ګاونډیان لرو او د سیمي لوی دي.
موږ په یوه داسي سیمه کې ژوند کوو، چې له ستونزو ډکه ده، نو بیا دې خبرو ته په کتو سره د افغانستان ملي ګټو او سولې راتلو او د افغانانو هوډ ته اړتیا ده.”
دا خبرې وروسته تر هغه کیږي، چې روسيې په افغانستان کې د امریکا له خوا د پوځي اډو په جوړولو اندېښنه ښوولې او له امریکا څخه یې غوښتي چې دا کار ونه کړي.
د قهر سبب
د روسيې د بهرنیو چارو وزارت په یوه خبرپاڼه کې ویلي، چې په دې اړه خبرې کول هم په افغانستان کې د سولې روانې هڅې اغېزمنوي او د سیمې د هیوادونو د قهر سبب به وګرځي.
د سیاسي او امنیتي چارو کار پوهان هم په افغانستان کې د امریکا د دایمي اډو د جوړولو مخالفت کوي.
جنرال امرالله امان وايي، په افغانستان کې د امریکا د دایمي پوځي اډو جوړول به د سیمي د هیوادونو ستونزې نوري هم ډیرې کړي.
"له دې سره د سیمې ستونزې لا زیاتیږي، دلته چین، ایران او پاکستان لاس تر زنې نه شي کېناستلی."
ملي ګټې
ولسمشر کرزي د جرمني د مونیښ په نړیواله امنیتي غونډه کې تر ګډون وروسته، چې شا او خوا دوې اوونی مخکې شوې، د امریکايي چارواکو د دې غوښتني په اړه خبر ورکړ، خو ویې ویل په دې اړه به وروستۍ پرېکړه د افغانستان د ملي ګټو په پام کې نیولو سره افغانان کوي.
دې پرېکړې په افغانستان کې هم د ځینو کړیو او چارواکو اندېښنې راپورته کړي دي.
د افغانستان د دفاع وزیر عبدالرحیم وردګ ویلي، چې د امریکا دایمي اډې به په اوږد مهاله توګه د هیواد امنیت ډاډمن کړي، خو د اوبو او برېښنا سرپرست وزیر او پخواني جهادي قوماندان محمد اسماعیل بیا د ښاغلي وردګ پر خبرو ټینګ انتقاد کړی او له هغه یې غوښتي چې خپلي دا خبرې بیرته واخلي.
راپور: معصوم میوند
ولسمشر حامد کرزي د شنبې په ورځ په کابل کې خبریالانو ته وویل، چې په افغانستان کې د امریکا د ستراتیژیکو اړیکو او دایمي اډو جوړول د افغان حکومت تر واک لوړه پرېکړه ده او دا پرېکړه د افغانستان په ملي شورا، لویه جرګه او په ټولیزه توګه افغانانو اړه لري.
همدارنګه ولسمشر کرزی د ګاونډیو هیوادونو نظر هم مهم بولي.
موږ په یوه داسي سیمه کې ژوند کوو، چې له ستونزو ډکه ده، نو بیا دې خبرو ته په کتو سره د افغانستان ملي ګټو او سولې راتلو او د افغانانو هوډ ته اړتیا ده.
ولسمشر
“زموږ د ګاونډیو هیوادونو نظرونه موږ ته مهم او اساسي دي، نن مو په دې اړه د روسیې خبره واورېدله، موږ په یوه جزیره کې ژوند نه کو، چې شا او خوا څه ونه لرو، بلکې په داسي سیمه کي ژوند کو چې ګاونډیان لرو او د سیمي لوی دي.
موږ په یوه داسي سیمه کې ژوند کوو، چې له ستونزو ډکه ده، نو بیا دې خبرو ته په کتو سره د افغانستان ملي ګټو او سولې راتلو او د افغانانو هوډ ته اړتیا ده.”
دا خبرې وروسته تر هغه کیږي، چې روسيې په افغانستان کې د امریکا له خوا د پوځي اډو په جوړولو اندېښنه ښوولې او له امریکا څخه یې غوښتي چې دا کار ونه کړي.
د قهر سبب
د روسيې د بهرنیو چارو وزارت په یوه خبرپاڼه کې ویلي، چې په دې اړه خبرې کول هم په افغانستان کې د سولې روانې هڅې اغېزمنوي او د سیمې د هیوادونو د قهر سبب به وګرځي.
د سیاسي او امنیتي چارو کار پوهان هم په افغانستان کې د امریکا د دایمي اډو د جوړولو مخالفت کوي.
جنرال امرالله امان وايي، په افغانستان کې د امریکا د دایمي پوځي اډو جوړول به د سیمي د هیوادونو ستونزې نوري هم ډیرې کړي.
"له دې سره د سیمې ستونزې لا زیاتیږي، دلته چین، ایران او پاکستان لاس تر زنې نه شي کېناستلی."
ملي ګټې
ولسمشر کرزي د جرمني د مونیښ په نړیواله امنیتي غونډه کې تر ګډون وروسته، چې شا او خوا دوې اوونی مخکې شوې، د امریکايي چارواکو د دې غوښتني په اړه خبر ورکړ، خو ویې ویل په دې اړه به وروستۍ پرېکړه د افغانستان د ملي ګټو په پام کې نیولو سره افغانان کوي.
دې پرېکړې په افغانستان کې هم د ځینو کړیو او چارواکو اندېښنې راپورته کړي دي.
د افغانستان د دفاع وزیر عبدالرحیم وردګ ویلي، چې د امریکا دایمي اډې به په اوږد مهاله توګه د هیواد امنیت ډاډمن کړي، خو د اوبو او برېښنا سرپرست وزیر او پخواني جهادي قوماندان محمد اسماعیل بیا د ښاغلي وردګ پر خبرو ټینګ انتقاد کړی او له هغه یې غوښتي چې خپلي دا خبرې بیرته واخلي.
راپور: معصوم میوند