د ایساف یو سرتیری په جنوب کې وژل شوی

ایساف ځواکونه وایي، چې د دوي یو سرتېري نن په افغانستان کې ووژل شو.

په کابل کې د مېشتو ایساف ځواکونو له خوا په خپره شوې اعلامیه کې راغلي، چې دغه سرتېري د افغانستان په جنوب کې په یوه چاودنه کې وژل شوی دی.

د دغه سرتیري د هویت او د پېښې د دقیق ځای په اړه معلومات نه دي ورکړل شوي.

وژل شوی سرتېری ، لومړنی سرتېری و، چې د روان میلادي کال په لومړی ورځ ووژل شو.

ویل کیږي، چې تېر میلادي کال په افغانستان کې څه باندې اوه سوه نړېوال سرتیري وژل شوي دي.