د ایساف یو سرتیری په جنوب کې وژل شوی

ایساف یا نړېوال سوله ساتي ځواکونه وايي، چې د افغانستان په جنوب کې یې یو عسکر وژل شوی.

ایساف ځواکونو په یوې مطبوعاتي اعلامیې کې ویلي، چې عسکر یې په بمي چاودنه کې وژل شوی، خو د پېښې دقیق ځای او د وژل شوي عسکر هویت یې نه دی په ‌ډاګه کړی.

روان میلادي کال په افغانستان کې بهرنیو ځواکونو ته تر ټولو خونړۍ بلل شوی، د راپورونو په اساس څه باندې اوه سوه عسکر یې وژل شوي.