د خوست په پوځي عملیاتو کې ۱۵ وسله وال طالبان نیول شوي

په خوست کې مېشت ایساف ځواکونه وايي، چې د افغان او ایساف ځواکونو په ګډو پوځي عملیاتو کې ۱۵ وسلوال طالبان نیول شوي دي.

په خوست کې د دغو ځواکونو مطبوعاتي مسوول جنرال بلاتز ازادي ته وویل، چې دغه پوځي عملیات نن سهار وختي په باک او علیشېرو ولسوالیو کې شوي دي.

د نوموړي په وینا په دغو پوځي عملیاتو کې امنیتي ځواکونو ته زیان نه دی رسېدلی.

وسلوالو طالبانو په دې اړه څه نه دي ویلي.